मृत्युंजय

मृत्युंजय ही शिवाजी सावंत यांनी लिहिलेली मराठी साहित्यातील एक अजरामर कादंबरी आहे. ही कादंबरी महाभारतातील कर्ण या महान, दानशूर आणि पराक्रमी योद्ध्याच्या जीवनावर आधारित आहे. या कादंबरीत कर्णाच्या जन्मापासून ते कुरुक्षेत्रातील युद्धापर्यंतचा संघर्ष, त्याचा स्वाभिमान, मैत्री, कर्तव्यनिष्ठा, त्याग आणि नियतीशी चाललेला संघर्ष अत्यंत प्रभावीपणे मांडला आहे.
या कादंबरीचे वैशिष्ट्य म्हणजे कथा केवळ कर्णाच्या दृष्टीकोनातून सांगितलेली नसून कर्ण, कुंती, दुर्योधन, राधा, शोण आणि श्रीकृष्ण अशा विविध पात्रांच्या नजरेतून उलगडत जाते. त्यामुळे कर्णाचे व्यक्तिमत्त्व अनेक पैलूंनी समोर येते आणि वाचकाला महाभारताकडे एका वेगळ्या दृष्टिकोनातून पाहण्याची संधी मिळते